Andaluziako kartzeletan oraindik dauden 46 presoak hurbiltzeko beharra partekatu du Foro Sozialak Andaluziako Parlamentuan

Foro Sozialak sustatutako “Motibazio politikoko delituengatik zigortutako presoei aplikatutako espetxe-politikaren Behatokiaren” ordezkaritza bat atzotik bilerak agiten ari da Kordoban eta Sevillan hainbat eragile instituzional, sozial eta politikorekin. Atzo Kordobako espetxearen zuzendaria Yolanda González Pérezekin bildu ostean, gaur goizean Andaluziako Parlamentuan, Andalucia Adelante talde parlamentarioekin eta atxikitu gabeko taldearekin bildu da (Anticapitalistas). Halaber, Legebiltzarreko Talde Sozialistarekin elkartzeko eskatu da.

Aitzol Aslak (Bizkaiko Abokatutzaren Elkargoko Gobernu Batzordeko kidea) eta Patrizia Belezek (Etxerat-eko bozeramailea) gaur egun Andaluziako 9 kartzelatan preso dauden 46 presoen egoeraren diagnostikoa aurkeztu dute.

Nahiz eta aurrerapausoak ematen ari diren eta, 2020ko ekainaz geroztik, etengabe hurbiltzen ari diren, oso gutxi izan dira euskal kartzeletara hurbilduak izan diren presoak, eta gehienak Errioxa, Kantabria, Asturias, Aragoi eta Gaztela-Leongo Autonomia Erkidegoetara hurbilduak izan dira.

Beste urrats positiboa da Gobernutik egindako azken iragarkien ondoren Algecirasko espetxea euskal presoez hustuko dela.

Hala ere, daturik garrantzitsuena da, gaur egun, preso gehienak oraindik ere zigorra betetzen ari direla 600 km-tik 1100 km-ra bitarteko kartzeletan —gehienak Andaluzian—, eta lehen graduan daudela sailkatuta.

Bilera hauetan, Behatokiak urruntzearekin amaitzeko beharra eta premia azaldu du. Are gehiago pandemia garai honetan, senideei zigor gehigarria ezartzen zaienean, baita presoei ere, bisean bis komunikazioetan ezarri diren murrizketak direla eta, familiarrak eta lokutorioen bidez, eta distantzia luzeak mugitzeko bestelako eragozpenak direla eta.

Atzo arratsaldean eta gaur Andaluziako Parlamentuan egindako bileretan, eragile guztiek bat egin dute bi puntutan:

Andaluzian zigorrak betetzen ari diren euskal presoen gaur egungo egoerak ez du inolako zentzurik, eta berehala ekin behar zaio euskal kartzeletara hurbiltzeari, are gehiago konfinamendu garaian.

Ikuspuntu humanitariotik, ez da bidezkoa familiakoak eta hurbilekoak ziurgabetasun-egoera horretan mantentzea.

Ordezkaritzak bi egunotan hainbat eragile politiko eta sozialekin batera egindako azterketek, eta elkarri entzun izanak, gure lan-ardatzetako batean sakontzen jarraitzeko beharra azpimarratzen dute: “EAE eta Nafarroako bizikidetza demokratikoaren aldeko iritzi-korronte demokratikoa sortu behar da Estatu Espainolean”.

Bi egun hauetan egiaztatu dugunez, Andaluzian ere bada iritzi-korronte hori, eta benetako euste-dikea izan beharko luke, gizarte-alarma birtual bat sortu eta bizikidetza demokratikoaren aurkako agenda ezartzen saiatzen diren sektoreen aurrean.