«Informazio Sailkatuaren Legea»-ren aurreproiektua etsigarria da, baina gehiengoak daude tramitazio fasean hobetzeko
Gogorarazi nahi dugu 2021eko irailaren 4an, Foro Sozial Iraunkorretik horren inguruko hausnarketak helarazi genizkiela Felix Bolaños ministroari eta Diputatuen Kongresuan “inbestidura-gehiengoa” izenekoa osatzen duten talde parlamentario guztiei.
Proposamen haietan, zera hau eskatu genuen: “Sekretu Ofizialen Legearen erreformari buruzko egungo eztabaidari nazioarteko parametroen ikuspegitik soilik aurre egitea, eta artxibo ofizialetarako sarbidea behar-beharrezkoa baino gehiago luzatzen duen kortse berririk ez sartzea”.
Joan den abuztuaren 1ean, Ministroen Kontseiluak “Informazio Sailkatuaren Legea”-ren aurreproiektua onartu zuen, 1968az geroztik indarrean dagoen Lege frankistari amaiera emateko asmoz.
Aurreproiektua aztertu eta talde politikoen eta Ministerioaren beraren erreakzioak kontuan hartu ondoren, honako gogoeta hauek plazaratu nahi ditugu:
- Aurreproiektua etsigarria da, eta ez die batere erantzuten GALen eta torturaren biktima batzuek artxibo sekretu horietara sartzeko dituzten itxaropenei. Lege honen erreforma beren kasuen egia azaltzeko bide egingarri bakarrenetakoa dela defendatu dute aipaturiko biktimek.
- Aurreproiektuak 1968ko Legeak baino denbora-kortse are handiagoa ezartzen du, eta pertsona horien birbiktimizazioan sakondu besterik ez du egiten, oraindik bizi diren "hirugarren mailako biktimen" sentimenduan sakonduz, inpunitatea bermatzeaz gain.
Gogorarazi nahi dugu 2021eko irailaren 4an, Foro Sozial Iraunkorretik horren inguruko hausnarketak helarazi genizkiela Felix Bolaños ministroari eta Diputatuen Kongresuan “inbestidura-gehiengoa” izenekoa osatzen duten talde parlamentario guztiei.
Proposamen haietan, zera hau eskatu genuen: “Sekretu Ofizialen Legearen erreformari buruzko egungo eztabaidari nazioarteko parametroen ikuspegitik soilik aurre egitea, eta artxibo ofizialetarako sarbidea behar-beharrezkoa baino gehiago luzatzen duen kortse berririk ez sartzea”.
Gainera, ministroak Eusko Legebiltzarrean berriki egin duen agerraldiaren arabera, ulertzen eta berresten genuen artxibo horiek irekitzeak erraztu egingo zuela gaur egun Euskal Autonomia Erkidegoan lan egiten duen Polizia Abusuen Biktimen Legearen Balorazio Batzordearen lana – 12/2016 Legea – Eta irailean Nafarroako Foru Erkidegoan martxan jarriko den antzekoa.
Aurreproiektua hobetzeko gehiengoak egon badaude
Talde parlamentarioek egindako balorazioen arabera, uste dugu nahikoa baldintza daudela Diputatuen Kongresuan, Legearen eztabaidaren fasean, Giza Eskubideen urraketen biktimen arteko diskriminaziorik ezaren nazioarteko zuzenbidea eta biktima guztiek egia, justizia eta erreparaziorako eskubidea izatea printzipio bakartzat dituen akordio baten alde lan egiteko.
Gure ustez, adostasun horretarako oinarrizko abiapuntua Nafarroako Parlamentuaren 2021eko martxoaren 18ko osoko bilkuraren akordioa da. Bertan, Espainiako Gobernuari Sekretu Ofizialen Legea aldatzeko eskatzen zion mozio bat onartu zen, Erresuma Batua, Italia edo Alemania bezalako demokrazia aurreratuek dagoeneko egin duten ildotik, 1985ean Mikel Zabalzaren heriotzaren nondik norakoak gardentasunez ezagutzeko (PSN, Geroa Bai, EH Bildu, Podemos eta Izquierda-Ezkerra taldeek aldeko boza eman zuten).
Gizarte heldu eta demokratiko batek ezin du egia osoa eskuratzeko beldurrik izan, ez du izan behar.
